O venres 23 de febreiro, acudimos a El Corte inglés de Santiago a ver un espectáculo de títeres. Da man da narradora e titiriteira Larraitz Urruzola coñecimos parte da obra Rosaliana e algún dos mementos da vida desta insigne artista galega.
A madriña de Rosalía, Francisca Do Campo, contou a historia da súa querida afillada, compartindo con nós a traxectoria vital e artística dun símbolo tan importante para a cultura galega.
A vida de Rosalía é unha historia realmente apaixonante, chea de interese histórico, cultural e intelectual.
Rosalía de Castro é a ecritora galega de maior relevancia universal , muller comprometida con Galicia e adiantada ao seu tempo como pioneira do pensamento feminista.
A súa obra “Cantares Gallegos” foi publicada o 17 de Maio do 1863; en conmemoración deste feito, cada 17 de Maio celébrase o día das Letras Galegas.