Colexio plurilingüe Nuestra Señora de los Remedios (Santiago)
Coñécenos - Proxecto educativo
MISIÓN, VISIÓN E VALORES
1. MISIÓN
A nosa Escola defínese como un Centro Católico, de Fillas da Caridade, que basea o seu estilo educativo no Carisma dos seus fundadores (Vicente de Paúl e Luisa de Marillac). Como escola Vicenciana, comprométese a un ensino de calidade cun estilo propio, que tenta facer presente a Boa Nova do Evanxeo a todos mais tendo unha atención preferente polos máis necesitados.O noso obxectivo fundaméntase na formación integral dos alumnos de acordo cunha concepción cristiá das persoas, da vida e do mundo; prepáraos, para participar activamente na transformación e mellora da sociedade.
Para iso en colaboración coas familias:
Atendemos á diversidade ofrecendo un ensino adecuado a cada alumno segundo as súas necesidades educativas e o seu ritmo de aprendizaxe, preocupándonos especialmente polos máis desfavorecidos.
Damos resposta a unha acción educativa en valores, humanos e cristiá-vicencianos, educando para a liberdade, a xustiza, a solidariedade, a tolerancia, o amor e a paz.
Empregamos unha metodoloxía aberta, flexible, actualizada, en mellora permanente, que conduce ao desenvolvemento de capacidades, hábitos de traballo e destrezas intelectuais, logrando un bo nivel educativo.
Coidamos a acción titorial e a orientación, potenciando a motivación e o estímulo dos alumnos para que cheguen ao máximo desenvolvemento das súas posibilidades, de forma que estean preparados para a súa inserción responsable na sociedade.
Para dar calidade e coherencia a esta acción educativa contamos cun equipo de profesores e colaboradores próximos ás necesidades de alumnos e familias, e coidamos a convivencia no Centro como condición indispensable para crear un clima de traballo sinxelo, alegre e de confianza.
2. VISIÓN
Apostamos por unha escola:
ÁMBITO EVANGÉLICO-VICENCIANO
Acrecenta a aposta pola misión compartida programando accións concretas para cultivar a vivencia da fe e da fraternidade de toda a comunidade educativa.
Favorece a educación da interioridade que posibilite a apertura á transcendencia e desenvolve a competencia espiritual en todas as áreas do currículo e nas accións extracurriculares, de forma sistemática e avaliable, favorecendo o diálogo Fe-Cultura-Vida.
Implícase en accións solidarias encamiñadas a facilitar a integración e atención ás necesidades socio-educativas dos alumnos máis desfavorecidos e ao compromiso coa contorna.
Potencia a Pastoral específica de JMV e outras asociacións da Familia Vicenciana, e a coordinación desta coa Pastoral Xeral do Colexio.
ÁMBITO PEDAGÓXICO
Desenvolve diferentes proxectos de innovación educativa: TICCS, plurilingüismo, etc. e opta por unha metodoloxía innovadora e adaptada ao proceso de ensino-aprendizaxe do alumno como resposta aos cambios, necesidades e demandas da sociedade, e ás aptitudes, intereses e expectativas dos alumnos.
Busca a excelencia educativa por medio dunha coidada atención á diversidade, avanzando na aplicación dos criterios da escola inclusiva.
Opta por unha escola multidireccional onde todos -docentes, alumnos e pais- edúcanse formando comunidades de aprendizaxe.
ÁMBITO DE XESTIÓN
Facilita a coordinación en cada centro mediante o desenvolvemento de plans de comunicación, e con todos os CEV da Provincia, compartindo recursos e asumindo acordos e criterios comúns
Promove a mellora continua elaborando plans e proxectos dinámicos, sinxelos e operativos e fomentando a cultura de avaliación do centro, dos alumnos e da práctica docente.
Establece políticas de xestión de recursos humanos adaptados ás esixencias da Misión, propoñendo criterios para unha coidada selección do persoal e un cumprimento responsable das obrigacións.
Consegue unha adecuada autofinanciación e optimización dos recursos que posibilitan a consecución dos obxectivos marcados.
ÁMBITO COMUNIDADE EDUCATIVA E CONTORNA
Organiza a función directiva respectando e potenciando as facultades da Titularidade e reforzando as competencias e liderado dos Equipos Directivos, desde a corresponsabilidade e xenerosidade, cun profundo sentido de misión compartida.
Articula plans de formación eficaces para os distintos membros da comunidade educativa (profesorado, PAS, pais) que axuden a conseguir o perfil de educador vicenciano propio de cada membro.
Busca novas canles para a implicación, colaboración, participación e apoio das familias procurando, ante todo, a coherencia e unificación de criterios educativos que favorecen o adecuado e completo desenvolvemento do neno.
Coñece a realidade da contorna para dar respostas coherentes ás súas necesidades.
