Colexio plurilingüe Nuestra Señora de los Remedios (Santiago)
Asociacións - JMV
QUE É JMV?
JMV é unha asociación xuvenil cristiá á que poden pertencer todos os alumnos dos nosos centros e parroquias onde estean as Fillas da Caridade e Pais Paúis. Esta asociación pertence á rama da Familia Vicenciana e a súa fin principal é educar aos nosos mozos na fe cristiá, presentando a María como modelo a seguir. Juventudes Marianas Vicencianas é unha asociación a nivel internacional que se encontra repartida en 65 países dos 5 continentes. En España, organizámonos en 9 provincias canónigas, tal e como están divididas as Fillas da Caridade. Nós pertencemos á Provincia Norte de Xixón-San Sebastián que está formada por Galicia, Asturias, País Vasco, as provincias León, Palencia, Burgos e Valladolid da CCAA de Castela e León e comunidades en Madrid , Guinea Ecuatorial e Chad.
A NOSA HISTORIA
A nosa andadura remóntase ao ano 1830, cando a Virxe María apareceuse a Santa Catalina Labouré. Desde ese momento a asociación foi madurando e avanzando. O que en principio empezou chamándose Fillas de María, co paso do tempo converteuse en Juventudes Marianas Vicencianas. O 2 de febreiro de 1999 a Santa Sede aproba os Estatutos Internacionais de JMV e recoñece esta nova denominación.
En España toda este movemento comeza polo ano 1979. O 19 de decembro de 1986 o P. Richard Mc Cullen, Superior Xeral da Congregación da Misión e das Fillas da Caridade, aproba os Estatutos de JMV- España que posteriormente, o 23 de febreiro de 1987, son recoñecidos pola Conferencia Episcopal Española.
Desde entón, JMV a nivel provincial foi camiñando e embarcándose en diferentes proxectos, tendo como obxectivo principal o formar aos nosos mozos para que vivan a súa vocación cristiá ao estilo de San Vicente de Paúl, comprometéndose na Igrexa e na sociedade de hoxe. Por isto JMV ten que seguir sendo unha voz coherente ao seu carisma cristián nas diferentes plataformas nas que participe. Actualmente forma parte de diversos Consellos da Mocidade e está recoñecida como Entidade de Voluntariado en diferentes lugares.
QUE FACEMOS?
NOS CENTROS:
- Reunións semanais nas que ofrecemos unha formación humana e cristiá.
- Colaboración en distintas campañas solidarias.
- Convivencias, nas que disfrutamos dun día en compaña de outros mozos.
A NIVEL PROVINCIAL:
- Marcha mariana. Todos os nenos, mozos e adultos da provincia reunímonos para traballar, a través de dinámicas, o noso estilo de vida. É un día de compartir experiencias e vivencias.
- Pascua juvenil. Unha forma diferente de vivir a Pascua en compaña dotros mozos da mesma idade.
- Escola de monitores. Ofrecemos formación para aqueles que lles guste gozar do tempo libre: curso de monitor de tempo libre e curso de coordinador de tempo libre, ademais de outras especialidades que se ofrecen dependendo da demanda que exista nese momento.
- Campamentos de verán. Durante o mes de xullo ofrecemos campamentos para aqueles que queiran vivir unha nova experiencia. Dependendo das idades realízanse na Mata de Curueño (León) ou Tui (Pontevedra).
A NIVEL NACIONAL:
- Encontro nacional en Madrid 2º e 3º ESO (maio)
- Escola de catequistas en Benagalbón (xullo)
- Encontro nacional en Benagalbón (Málaga) para mozos a partir de 16 anos (xullo)
OUTRAS LIGAZÓNS DE INTERESE: